AzStarTV canlı baxın.

AzStarTV, Az Media Group-un (Heydərbaba Media Group) yayımlama markasıdır. Xatırladaq ki, 2016-cı ilin 21 oktyabr tarixində Kanadanın Toronto şəhərində “AzStarTV” telekanalının açılış mərasimi keçirilib. Həmin tarixdən etibarən kanal Kanada və Amerikada 24 saat fasiləsiz yayıma başladı.

2021-ci ilin may ayından isə Türkmənsat peyki vasitəsilə İran və Türkiyə kimi ölkələrdə də yayımlanmağa başladı. “AzStarTV” əsasən Güney Azərbaycan türklərinin mədəniyyəti və incəsənətini təbliğ etmək məqsədilə fəaliyyət göstərir. Kanal həmçinin Güney Azərbaycan musiqisinin inkişafına da mühüm töhfələr vermişdir.

Bu istiqamətdə çoxsaylı klip təqdimatları, 50 bölüm yayımlanmış “Star Müzik”, “Səs yarışı-1”, “Səs yarışı-2” yarışmaları və ustad musiqiçilərlə hazırlanan “Ozanlarımız” proqramlarını nümunə göstərmək olar.

Xüsusilə, 33 bölüm yayımlanmış “Ozanlarımız” verilişi vasitəsilə İranda mövcud olan türk aşıq məktəbi təbliğ olunmuşdur. Verilişdə Azərbaycan, türkmən, qaşqay və Xorasan türklərinin aşıq məktəbləri və ustadları haqqında geniş məlumatlar təqdim edilmişdir.

Hal-hazırda “AzStarTV”, Azerspace peyki vasitəsilə başda Kanada və Amerika olmaqla, Azərbaycan, Türkiyə, İran, Rusiya və digər 25 ölkədə yayımını davam etdirir.

Kaynak:  azstartv.com